Mkutano wa Kampeni Makete: JK awakosha wana Makete

Mheshimiwa Kikwete akihutubia umati mkubwa wa wana Makete kwenye mkutano wa kampeni ambapo leo umeanzia Wilayani Makete, Mkoa wa Iringa.
Mheshimiwa Kikwete akiongozana na mtoto wa Makete kwenye gari yake mara baada ya kumaliza kuhutubia mkutano wake wa kampeni leo asubuhi.

Mheshimiwa Kikwete akisalimiana na watoto wa Makete mara baada ya kuwasili kwa mkutano wa kampeni wilayani hapo leo asubuhi.

Mheshimiwa Jakaya Mrisho Kikwete akiwa ameketi chini ardhini kumsikiliza Mama Sara Mwageni wa Wilaya ya Makete, mara mgombea huyo alipowasili kuhutubia mkutano wa kampeni. Sara alikuwa akitoa shukrani zake kwa Mheshimiwa Kikwete baada ya kumnunulia Bajaj ili kurahisisha shughuli zake, alipotembelea wilaya hiyo mwaka jana.

- Akanusha Minong'ono ya CCM kutojali waishio na ulemavu

- Makete wasema yeye ni mkombozi wao

- Akaa vumbini kumsabahi mlemavu

- Ana upendo wa hali ya juu kwa wana Makete, ametembelea zaidi ya mara nne

Mgombea Urais wa Tanzania kupitia CCM, Mheshimiwa Jakaya Mrsiho Kikwete amewasili Makete na kupokelewa na viongozi wa chama, lakini aliyeguswa zaidi ni Mama Sara Mageni aliyelakiwa na Mheshimiwa na kufanya naye mazungumzo kwa muda.

Mama Mageni ambaye ni mlemavu wa viungo alieleza furaha yake ya kukaa chini na Mwenyekiti wa CCM Taifa ambaye pia ni Rais wa Jamhuri ya Muungano wa Tanzania imempa faraja sana, na katika maisha yake hakuwahi kufikiria angeweza kupata nafasi hiyo.

Akizungumzia furaha yake Mama Mageni alisema Kikwete ni mkombozi wa wana Makete nakuongeza "ni mtu wa watu, anatupenda wote sawa na anataka kila mmoja wetu kijisikia yeye ni Mtanzania na ana fursa na haki sawa" Alimalizia huku akishindwa kuficha furaha yake.

Mama Mageni alikutana na Mheshimiwa Kikwete kwenye ziara yake Makete na alimpa msaada wa Bajaj ili kurahisisha shughuli zake za kumletea kipato. Mama Mageni alisema kuonana na Mheshimiwa Kikwete tena leo ni kama amekutana na ndugu yake wa karibu wanaojuana miaka mingi.

Naye Mheshimiwa Kikwete akizungumza kwenye mkutano huo wa kampeni, amekanusha vikali minong’ono kwamba chama chake tawala hakiwajali watu wanaoishi na ulemavu, na kusisitiza kwamba ilani ya uchaguzi ya 2005-2010 na ya 2010-2015 imeeleza kinagaubaga jinsi serikali inavyojali na kulihudumia kundi hili la wananchi.

Akiongea katika mkutano mkubwa wa kampeni Wilayani Makete leo, Mheshimiwa Kikwete pia amesema serikali yake imeridhia mkataba wa kimataifa wa kulinda na kutetea maslahi ya watu waishio na ulemavu, akiongezea kwamba utekelezaji wake utapewa kipaumbele kwenye miaka mitano ijayo.

Kumekuwepo na minong’ono kwamba watu wanaoishi na ulemavu wamekuwa wakilalamika kwa kile walichosema kutowekwa kwenye ilani za uchaguzi za vyama vinavyogombea nafasi mbalimbali, na kudai kujumuishwa kwenye mipango yote iliyopo ya kijamii na maendeleo.

Mheshimiwa Kikwete pia alitumia muda mwingi kuzungumzia suala la afya na haswa maradhi ya UKIMWI na umuhimu wa kuchagua kutukupata UKIMWI na kuchukua tahadhari. Makete ni mojawapo ya wilaya nchini Tanzania zilizoathiriwa sana na janga la UKIMWI kwa kuacha watoto wengi yatima.

Mwisho aliwanadi wagombea mbalimbali wa udiwani na ubunge na kuwasihi wana Makete wachague CCM, alisema ushindi wa kishindo wa CCM ni lazima ifikapo Oktoba mwaka huu 2010.

Mkutano wa Kampeni Igowole: JK avishwa Mgolole na Viongozi wa Kimila

Mheshimiwa Kikwete akishuka jukwaani baada ya kuhutubia mkutano mkubwa wa kampeni Igowelo leo mchana katika kampeni zake za kutetea kiti chake cha urais kupitia Chama Cha Mapinduzi.
Vikundi vya ngoma wakishangilia ujio wa Mheshimiwa Kikwete Igowelo leo mchana. Pichani chini wana CCM na wananchi wa Igowelo wakimshangilia Mheshimiwa Kikwete alipokuwa akihutubia mkutano wa kampeni.

Mzee Alfonsi Mwinyi Kibuga akielezea wananchi na wageni waliofika Igowole umuhimu wa zawadi za mkuki na kigoda kwa Mheshimiwa Kikwete baada ya kumvika Mgolole - vazi rasmi la wakazi wa eneo hilo.

Baada ya kupokelewa kwa mapokezi ya kishindo, viongozi wa kimila wa Igowole wamemvika mgolole Mgombea Urais kupitia Chama Cha Mapinduzi na Mwenyekiti wa CCM, Mheshimiwa Jakaya Mrisho Kikwete.

Akitambulisha mila hiyo, Mwenyekiti wa CCM wa Mkoa wa Iringa Bwana Deo Sanga au Jah People Mtu wa Watu, alieleza tenda hilo ni la kihistoria ishara ya watu wa Igowole kumkubali Mheshimiwa Kikwete kama kiongozi wa kitaifa na kumtakia ushindi mnono Oktoba 2010.

Kwa niaba ya wazee wa Igowole, Mzee Alfonsi Mwinyi Kibuga alimvisha mgolole Mheshimiwa Kikwete ambao ni vazi rasmi kwa wananchi wa Mufindi Kusini. Pia alimkabidhi Mheshimiwa Kikwete kigoda kama ishara ya kiti cha uongozi na hatimaye kumpa mkuki kama alama ya ushindi na heshima ya utawala nchi nzima.

Akihutubia umati mkubwa wa wananchi wa Igowole, Mheshimiwa Kikwete aliwashukuru kwa mapokezi makubwa na kwa zawadi hizo za uongozi kutoka kwa wazee hao wa Igowole.

Kama ilivyokuwa kwenye vituo vingine vya mikutano, Mheshimiwa Kikwete alichukua muda mwingi kuasa wananchi kuhusu vita ya kitaifa ya kupambana na UKIMWI ambapo Iringa ni mkoa wenye maambukizi ya juu (wastani wa 15%), mara tatu ya wastani wa maambukizi ya taifa.

Mafanikio yaliyoelezewa ni yale yaliyopatikana kwenye upande wa elimu, afya, upatikanaji maji safi na salama, ujenzi wa barabara na miundombinu mingine. Wakati anafafanua matarajio ya miaka mitano ijayo, Mheshimiwa Kikwete alimuita Mwenyekiti wa CCM Igowole ili aelezee baadhi ya kero za wananchi wa eneo hilo.

Naye mwenyekiti wa CCM Igowole aliomba Barabara ya Igowole mpaka Mtwango ijengwe kwa kiwango cha lami, upatikanaji wa maji safi na mwisho upatikanaji wa ruzuku ya mbolea uongozwe.

Mheshimiwa Kikwete alieleza kuwa ruzuku upatikanaji wa mbolea ya ruzuku umeongezwa kwa asilimia ishirini kwa miaka mitano ijayo. Upande wa maji na barabara aliahidi kulifanyia kazi ili kuhakikisha huduma hizo zinawafikia wananchi.

Mkutano wa Kampeni Mafinga, Wilayani Mufindi: Apokea wananchama kutoka Chadema, azawadiwa asali ya kumpa nguvu!

Mheshimiwa Kikwete akisalimiana na wananchi wa Mafinga mara baada ya kuwasili mahali hapo kwa mkutano wa kampeni.
Umati mkubwa wa watu wakimsikiliza Mheshimiwa Kikwete alipokuwa akihutubia mkutano wa kampeni Mafinga, Mufindi leo mchana.

Mheshimiwa Kikwete amewasili Mafinga wilayani Mufindi na kupekelewa na wananchi wa hapo kwa zawadi za chakula na zawadi ya wanachama waliorudi Chama Cha Mapinduzi kutoka upinzani.

Akielezea zawadi hizo, Katibu wa CCM Wilaya alisema kwa niaba ya wana Mafinga, wanatambua uchuvu wa misafara ya kampeni na hivyo wamemzawadia asali ikiwa kama dawa na kirutubisho cha kumuongezea nguvu wakati akiwa safarini kunadi ilani na sera za CCM.

Kabla ya kumkaribisha Mheshimiwa Kikwete kuzungumza na umati huo mkubwa wa watu, Mwenyekiti wa CCM Mkoa wa Iringa Bwana Deo Sanga Al-maarufu kama Jah People alimkaribisha mtendaji wa CCM ili awataje wanachama wa Chadema waliorudisha kadi na kuingia CCM.

Wanachama hao wa Chadema ambao walikuwa kwenye kinyang'anyiro cha uchaguzi, walikiri kuwa sera za wapinzani hazina manufaa kwao na wameona ni dhahiri CCM ndio chama bora kwa watanzania wote bila kujali maeneo waliyotoka wala kabila.

Mkutano wa Kampeni Ifunda - JK awasihi watanzania kuepuka siasa za ubaguzi

Kampeni za Mheshimiwa Jakaya Mrisho Kikwete amewasihi wananchi wa Ifunda, Kalenga Iringa kuwa waepuke siasa za kibaguzi ili kuekwepa machafuko ya nchi haswa kipindi cha uchaguzi.

"Wakija na sera zao za kibaguzi wakatalieni, waambieni tuambieni sera zenu za kisiasa sio za kibaguzi, hizo zikataeni"

Alisema serikali ya CCM inakusudia kulinda usalama wa wananchi na Watanzania kwa ujumla ili kudumisha amani na sifa ya nchi yetu.

Akinadi sera za CCM, Mgombea huyo wa Chama Cha Mapinduzi na Mwenyekiti wa Taifa wa CCM, Mheshimiwa Kikwete alisema kwa upande wa elimu, CCM imeshika hatamu kwenye kuhakikisha changamoto za elimu zinakabiliwa sawasawa kwa miaka mitano ijayo.

Mheshimiwa Kikwete pia alichukua nafasi kwenye mkutano huo kumnadi Dr. Mgimwa, mgombea ubunge wa jimbo la Kalenga. Alieleza kuwa Dr. Mgimwa ni muadilifu na mvumilivu sana, kwani hii ni mara yake ya tatu kuomba ridhaa ya wananchi kuongoza jimbo hilo. Alisema Dr. Mgimwa ana uzuefu kwenye uongozi, anayo ari kubwa na mawazo mengi ya kuongoza Jimbo la Kalenga. "Mimi namuamini na wenzangu ndani ya CCM tunamuamini hivyo naomba nanyi wananchi mumuamini na kumpa kura nyingi mwezi ujao"

Kutoka Ifunda msafara wa Mheshimiwa Kikwete utaelekea Mufindi kwa mkutano wa kampeni.

Kampeni za Mheshimiwa Kikwete Leo

Kampeni za mgombea urais kupitia Chama Cha Mapinduzi Mheshimiwa Jakaya Mrisho Kikwete leo ziko Mkoani Iringa na zitaaza kwa mkutano mkubwa wa kampeni Ifunda kupitia Tanangozi ambapo Mheshimiwa Kikwete atazungumza na wananchi wa hapo.

Baada ya Ifunda msafara wa Mheshimiwa Kikwete utaelekea Mafinga na Igowole kwa barabara na kuzungumza na wananchi wa maeneo hayo kabla ya kuelekea Lupembe.

Mkutano wa mwisho wa kampeni kwa siku ya leo utakuwa Njombe Mjini, ambapo Mheshimiwa Kikwete atakuwa amemaliza siku mbili za mkutano Mkoani Iringa.

Mikutano ya Kampeni Iringa: Ilula, Isimani, Kalenga, Kilolo

Na Mgaya Kingoba, Iringa
MGOMBEA wa Urais kwa tiketi ya CCM, Rais Jakaya Kikwete ameahidi kuwa serikali ya chama hicho itaongeza mara tatu idadi ya wananchi wanaonufaika na ruzuku ya pembejeo za kilimo kwa mfumo wa vocha.
Aidha, amewataka wananchi wa Mkoa wa Iringa kutojirahisisha na kujisahau katika suala la ugonjwa wa Ukimwi, kwani kasi ya maambukizi inatisha.
Rais Kikwete aliyasema hayo kwa nyakati tofauti alipohutubia mikutano ya kampeni za Uchaguzi Mkuu leo katika majimbo manne ya Mkoa wa Iringa ya Kilolo; Isimani; Kalenga na Iringa Mjini akiomba kura kwa wananchi hao.
Akizungumzia ruzuku za pembejeo za kilimo, alisema kwa sasa serikali inatoa ruzuku ya pembejeo kwa mfumo wa vocha kwa wakulima milioni mbili na kwamba katika miaka mitano ijayo, itafikisha wakulima milioni sita.
“Yamekuwepo mafanikio makubwa katika utumiaji wa pembejeo za kilimo na tumeongeza fedha na idadi ya wakulima tangu tuingie madarakani. Kwa sasa, wakulima milioni mbili wananufaika, tutaongeza idadi kufikia milioni sita katika miaka michache ijayo,” alisema Rais Kikwete.
Akiwa Ilula jimboni Kilolo, mbali ya kueleza mafanikio ya Ilani ya Uchaguzi ya CCM, alieleza kwamba Ukimwi ni tatizo kubwa katika mkoa huo kwa sababu ndio unaoongoza kwa idadi ya maambukizi ukiwa na asilimia 15.
Alisema hiyo ni mara 10 ya wastani wa Kitaifa ambao ni asilimia 5.8, na ndiyo maana aliagiza kuwapo kwa mpango maalumu kwa mikoa ya Iringa na Mbeya kuona kwa nini kiwango chao cha maambukizi kiko juu.
“Lakini ugonjwa wa Ukimwi ni wa kujitakia. Unaweza kuamua kutopata Ukimwi, kwani
ile njia inayoleta Ukimwi, mwanadamu hana dharura nayo. Tafadhalini sana, tuache
kujirahisha, tusijisahau,” alieleza Rais Kikwete.
Akiwa katika Jimbo la Isimani, alieleza alikubali kubeba jukumu la kuhakikisha Isimani inapata maji ya uhakika ambako kwa mujibu wa Mbunge Mteule wa jimbo hilo, William Lukuvi, kuna mradi wa maji unaohitaji Sh bilioni tano.
Lukuvi alisema mradi huo ukikamilika, utaviwezesha vijiji 30 vya Jimbo la Isimani kupata maji ya uhakika, na hivyo kumaliza tatizo hilo.
Kwenye Jimbo la Kalenga, alieleza kuwa sasa serikali yake inaelekeza macho katika kuiwekea lami barabara inayokwenda katika Hifadhi ya Taifa ya Ruaha, ambayo ndiyo hifadhi kubwa kuliko zote Tanzania.
Katika mikutano yake yote ya jana ambayo alitumia helikopta kufika mahali ikopangiwa kuhutubia, aliwanadi wagombea udiwani na ubunge ambao ni Profesa
Peter Msolla (Kilolo); Lukuvi aliyepita bila kupingwa Isimani; Dk. William
Mgimwa (Kalenga) na Monica Mbega (Iringa Mjini).

Mkutano wa Kampeni Iringa Mjini - JK na Mwakalebela waiteka Iringa Mjini

Umati mkubwa wa watu wakisikiliza hotuba ya Mgombea Urais wa CCM Mheshimiwa Jakaya Mrisho Kikwete alipokuwa akinadi sera za CCM kwenye mkutano mkubwa wa kampeni Iringa Mjini.
Mheshimiwa Jakaya Mrisho Kikwete akiwa na mmoja wa walioshiriki kwenye mchakato wa kura za maoni kuwania uwakilishi wa ubunge kupitia CCM Iringa Mjini, Fredrick Mwakalebela ambnaye alivunja kambi yake rasmi baada ya mkutano mkubwa wa kampeni uliowaunganisha wananchi wa Iringa Mjini.

Kikundi cha Ze Origino Komedi nacho kilikuwepo uwanjani kikihamasisha watu wajitokeze kwa wingi kupigia kura CCM

- Mwakalebela Avunja Kambi Rasmi

- Awasihi wana CCM kuungana na kukigombania Chama

- JK afurahia hotuba yake, amkumbatia kwa furaha